Tinna er frá Þórshöfn á Langanesi þar sem hún ólst upp, kom við á Akureyri, í Danmörku og Reykjavík en býr nú á Egilsstöðum þar sem hún er með vinnustofu.

Innblásturinn er gjarnan dreginn úr víðáttu sjóndeildarhringsins á Langanesi en svo læðist inn eitt og eitt Snæfell eða Herðubreið. Kvenlíkaminn og hans fögru form rata oftar en ekki á strigann en svo eru gerðar tilraunir með ýmislegt fleira. Flest verkin eru gerð með olíulitum á striga eða blandaðri tækni akrýls og bleks.

Tinna hefur sótt hin ýmsu námskeið síðustu 25 ár og er menntaður listförðunarfræðingur.